Polas súas características estilísticas crese realizada nun taller parisiense nas últimas décadas do século XIV e a súa presenza no Tesouro compostelán corresponderíase cunha ofrenda de peregrinación pendente de identificar e, en todo caso, anterior ao ano 1426, en que xa aparece recollida nos inventarios. Posteriormente, nas primeiras décadas do século XVI sufriu algunhas modificacións, coa retirada dalgunhas pedras, que aparecen citadas nas descricións anteriores e a colocación doutras novas.