Santiago de Compostela, Jorge Cedeira, o Mozo, 1594. Prata, prata sobredorada e esmaltes

O arcebispo compostelán Gaspar de Ávalos acompañou, no ano 1543, ao rei Carlos I na súa viaxe por Italia e Alemaña, aproveitando para facerse con importantes obxectos artísticos e reliquias, entre elas, as de Santa Florina, virxe e mártir. Anos despois, a catedral encargou ao prateiro Jorge Cedeira, o Mozo a execución deste Busto relicario, que foi reparado tras os danos sufridos no incendio da capela de Reliquias de 1921 polo compostelán Ricardo Martínez.