San Andrés e San Simón

Descrición

Mestre Mateo e o seu taller. Ca. 1200. Granito
As imaxes hoxe situadas na parte inferior do segundo tramo ao lado esquerdo da fachada da Porta Santa foron identificadas como os apóstolos Andrés e Simón, respectivamente.
O primeiro deles iniciaba, no coro mateano, o segundo tramo da súa fachada sur, co corpo lixeiramente inclinado cara á súa esquerda para dialogar coa súa compañeira, neste caso, San Felipe, que se vira á beira contraria. A súa cabeza actual foi engadida a mediados do século XIX, distorsionando a aparencia da escultura.
Simón, pola súa banda, pecharía, seguindo a orde do colexio apostólico no Evanxeo de San Mateo, o grupo dos apóstolos no cuarto tramo da fachada sur do coro. Conta, igualmente, cunha cabeza engadida a mediados do século XIX e chama a atención pola curta esclavina que viste e por suxeitar, coa súa man esquerda velada polo manto, unha cartela que chega ata os pés.

Modelo 3D

Información

Promove: Fundación Catedral de Santiago
Colabora: S. A. de Xestión do Plan Xacobeo – Xunta de Galicia

Dirección proxecto: Ramón Yzquierdo Peiró
Dixitalización e tratamento imaxes: Margen / Elipseeg.com
Deseño Gráfico: La Cosa Gráfica

Contacto

Fundación Catedral de Santiago
Casa do Deán, Rúa do Vilar, 1
15705 Santiago de Compostela · (España)
T.: +34 981 569 327
museo@catedraldesantiago.es