Descrición
Mestre da Porta Francíxena. 1105-1112. Mármore
Este fragmento de relevo feminino, de longa melena rizada e que porta en cada man, xunto aos seus peitos senllos acios de uvas, procedería da fachada do Paraíso e podería ter correspondencia, por características e dimensións, coa imaxe de muller sentada, coas pernas cruzadas e un león no seu colo hoxe localizada na fachada de Praterías.
En canto á súa interpretación iconográfica, identificouse co mensario que había na referida fachada do Paraíso, correspondéndolle, neste caso, o mes de setembro; aínda que é máis probable que teña unha lectura de tipo cristolóxico en relación co citado relevo de Praterías.