Daniel e Isaías

Descrición

Mestre Mateo e o seu taller. Ca. 1200. Granito

Estas dúas figuras, identificadas cos profetas Daniel e Isaías e procedentes do coro pétreo do Mestre Mateo, atópanse situadas, actualmente, no nivel intermedio do primeiro tramo, ao lado esquerdo, da fachada da Porta Santa. Ambas ocuparan, orixinalmente, xunto a Ezequiel e Xeremías, o espazo reservado aos “profetas maiores”, no primeiro tramo da fachada ao lado norte do coro mateano.
A secuencia iniciaríase coa delicada imaxe de Isaías, tocado con gorro frixio, do mesmo xeito que o seu homónimo do Pórtico da Gloria; ten coidada barba, pernas cruzadas e rostro ladeado, leva a man dereita ao peito mentres que, coa esquerda, sostén sobre o seu xeonllo unha cartela vertical que cae ata o chan. En cuarto lugar, tras Isaías, Xeremías e Ezequiel, seguindo a orde canónica, atoparíase a imaxe de Daniel, igualmente tocado con gorro frixio, reservado no coro aos profetas maiores e cun rostro xuvenil.

Modelo 3D

Información

Promove: Fundación Catedral de Santiago
Colabora: S. A. de Xestión do Plan Xacobeo – Xunta de Galicia

Dirección proxecto: Ramón Yzquierdo Peiró
Dixitalización e tratamento imaxes: Margen / Elipseeg.com
Deseño Gráfico: La Cosa Gráfica

Contacto

Fundación Catedral de Santiago
Casa do Deán, Rúa do Vilar, 1
15705 Santiago de Compostela · (España)
T.: +34 981 569 327
museo@catedraldesantiago.es