Descrición
Mestre dos panos mollados. Ca. 1170. Granito
Peza recuperada no ano 2016 nun muro situado nunha das torres da fachada do Obradoiro, onde fora reutilizada como material de recheo; correspóndese, estilísticamente, co chamado Mestre dos panos mollados, enigmática figura, coetánea dos primeiros tempos do Mestre Mateo, con quen debeu coincidir nos inicios do seu proxecto na catedral.
Podería formar parella coa imaxe da Virxe María que hoxe remata a fachada das Praterías, talvez como parte dunha Anunciación da que esta figura corresponderíase con San Gabriel.